Programet e bashkëpunimit ndërkufitar janë shtytësit e ekonomisë vendase, zhvillimit social, mjedisor dhe kulturor. BE-ja ka mbështetur prej kohësh nismat ndërkufitare, dhe mbetet e angazhuar për këtë qëllim.

Nxitja e pajtimit dhe bashkëpunimit janë në zemër të çdo projekti të BE-së. Agjenda e BE-së për Ballkanin Perëndimor është e përqendruar në ndërtimin e një të ardhmeje të përbashkët më të mirë, duke lënë pas trashëgiminë e së shkuarës.

Tregu i Përbashkët Rajonal, i mbështetur nga BE-ja , promovon më shumë integrim bazuar te rregullat dhe standardet e BE-së. Ky treg duhet të tërheqë më shumë investime, të ndihmojë për trajtimin e fragmentimit ekonomik dhe ta sjellë rajonin më afër tregut të vetëm të BE-së.